काठमाडौँ- नेपाल संयुक्त राष्ट्रसंघमा एसिया प्रशान्त क्षेत्रबाट उपाध्यक्ष निर्वाचित भएको छ । राष्ट्रसंघको ७७ औँ महासभाले नेपाललाई एसिया प्रशान्त क्षेत्रबाट उपाध्यक्ष पदमा सर्वसम्मत चयन गरेको हो ।
एशिया प्रशान्त क्षेत्रबाट नेपालसँगै‚ मलेशिया‚ ताजिकिस्तान‚ तुर्कमेनिस्तान पनि उपाध्यक्षमा निर्वाचित भएका छन् ।
त्यस्तै, महासभाले हंगेरीका कूटनीतिज्ञ क्साबा कोरोसीलाई नयाँ अध्यक्ष चयन गरेको छ । उनको विपक्षमा कसैले पनि उम्मेदवारी नदिएका कारण उनी सर्वसम्मत निर्वाचित भएको अमेरिकाबाट प्रकाशित हुने द स्टेट्सम्यान अखबारले जनाएको छ ।
त्यस्तै यस महासभामा अर्को एसियाली मुलुक भियतनाम समग्रमा उपाध्यक्ष चुनिएको जनाइएको छ ।
प्रतिक्रिया