काठमाडौँ– पछिल्लो समय ओटीटीको दर्शक बढिरहेका छन् । यसैले गर्दा ओटीटी प्रदायकले लोभ्याउने कन्टेन समेत तयार गरिरहेका छन् । यही क्रममा जुन ९ मा दक्षिण भारतीय फिल्मकी अभिनेत्री नयनतारा र विग्नेश शिवनको विवाहलाई लिएर नयाँ खबर बाहिर आएको छ ।

नयनतारा र विग्नेशको विवाहका लागि नेटफ्लिक्ससँग एक ठूलो सम्झौता गरिएको छ । जोडीले विवाहको भिडियो एल्बमका लागि नेटफ्लिक्ससँग डिल गरेको हो । सम्झौता अनुसार यो जोडीले निकै मोटो रकम लिएको बुझिएको छ । तर कति रकम उनीहरूले लिए भन्ने केही खुलाइएको छैन । नयनतारा र विग्नेशको यो प्रतीक्षित विवाहको भिडियो एल्बम एक्सक्लुसिभली खिचेर नेटफ्लिक्समा प्रिमियर हुनेछ । जसको सबै जिम्मेवारी निर्देशक गौतम मेननले लिएका छन् ।