काठमाडौँ– बलिउड अभिनेता सलमान खानलाई दर्शकले दिएको अर्को उपनाम हो ‘टाइगर’ । एक था टाइगरमा देखिए यता उनलाई ‘टाइगर’ भन्न थलिएको हो । यिनै सलमान यसै फिल्मको तेस्रो संस्करणको छायांकनमा व्यस्त छन् ।‘टाइगर’ को तेस्रो फ्रेन्चाइजको तेस्रो फिल्म ‘टाइगर ३’ लाई फाइनल मिसन भनिएको छ । यसैले गर्दा यो फिल्म प्रतीक्षित छ । 

सलमान र टाइगर सिरिजको फ्यानले यसलाई प्रतीक्षा गरिरहेका छन् । दर्शकको प्रतीक्षालाई ध्यानमा राख्दै निर्माण कम्पनी यशराज फिल्म्सले पनि यसमा निकै मेहनत गरिरहेको छ । पछिल्लो समय भारतीय मिडियामा आएको समाचारअनुसार फिल्ममा सलमान र अर्का अभिनेता इमरान हाशमीको एक्सन सिक्वेन्सका लागि झण्डै ४० करोड रुपैयाँ खर्च गरिएको छ ।

फिल्ममा सलमान र कटरीना कैफ प्रमुख भूमिकामा छन् । इमरान भने भिलेनको चरित्रमा देखिनेछन् । यद्यपि इमरानको भूमिकाबारे निर्माण पक्षले आधिकारिक रुपमा जानकारी दिएको छैन । फिल्मको सुटिङ टर्की, अष्ट्रिया, रुस र नयाँदिल्लीमा गरिएको छ । फिल्ममा सलमान ‘र’ को एजेण्ट टाइगर र कट्रिना आईएसआईको एजेण्ट जोयाको भूमिकामा देखिँदैछिन् । मनीष शर्माको निर्देशनमा बनेको फिल्म यशराज फिल्मस्ले निर्माण गरेको हो ।