काठमाडौँ– बञ्चरेडाँडामा फोहोर बोकेका गाडीमाथि तोडफोड गर्दे स्थानीयले अवरोध गरेका छन्। नुवाकोटको ककनी गाउँपालिका-२ स्थित बुधबार बिहान फोहोर बोकेको गाडीहरुलाई प्रहरीको सहयोगमा फाल्न खोज्दा स्थानीयले गाडीमाथि तोडफोड गरेको प्रहरीले जनाएको छ। प्रहरीका अनुसार १५ वटा गाडीमाथि तोडफोड गरिएको छ।
आक्रामक भीडले गाडीमाथि तोडफोड गरेपछि स्थिति नियन्त्रणमा गर्न प्रहरीले आश्रुग्यास प्रहार गरेको थियो। दुई दिनअघि सरकार, महानगर र स्थानीयबीच फोहोर फाल्ने विषयमा सहमति जुटे पनि स्थानीयले अवरोध गर्न छाडेका छैनन्। उनीहरूले मुआब्जा, रोजगारी, स्वास्थ्य बिमालगायतका माग राख्दै दिनहुँ प्रदर्शन गरिरहेका छन्।
प्रतिक्रिया