काठमाडौं-  बेलायतले युक्रेनलाई थप १ अर्ब ३० करोड पाउण्डको सहायता प्रदान गर्ने भएको छ ।

बेलायती अर्थमन्त्री ऋषि सुनकले युक्रेनकाका लागि १ अर्ब ३० करोड पाउण्डको अतिरिक्त कोष प्याकेज प्रदान गर्न लागेको बेलायतबाट प्रकाशित हुने द सन्डे टाइम्सले जनाएको छ ।

यो रकम ट्रेजरीको आपतकालीन कोषबाट लिइने र युक्रेनलाई बेलायतको विद्यमान १.५ अर्ब पाउन्ड सहयोगको अतिरिक्त प्रदान गरिने जनाइएको छ ।

बेलायतका रक्षामन्त्री बेन वालेस र विदेशमन्त्री लिज ट्रसको दबाबपछि सुनकले थप सहायताको पुष्टि गरेको द सन्डे टाइम्सले जनाएको छ ।

गत फेब्रुअरी २४ मा रुसले युक्रेनमाथि आक्रमण गरेपछि यसको जवाफमा पश्चिमा देशहरूले रुसविरुद्ध व्यापक प्रतिबन्ध अभियान चलाएका छन् र युक्रेनलाई हतियार आपूर्ति जारी राखेका छन् ।