काठमाडौँ – विश्व शान्तिका लागि रुसलाई तत्काल युद्ध रोक्न आह्वान गर्दै लुम्बिनीमा दीप प्रज्ज्वलन गरिएको छ ।

मानव अधिकार तथा शान्ति समाजको आयोजनामा सम्पन्न दीप प्रज्ज्वलनमा युद्धलाई निषेध र शान्ति प्रवर्द्धन गर्न सबैलाई आग्रह गर्नुका साथै हिमालय बचाउँन र नदी जोगाउनसमेत आह्वान गरिएको छ ।

चैत २१ गते पाल्पाको तानसेनमा पनि विश्व शान्तिका लागि रुसलाई तत्काल युद्ध रोक्न आग्रह गर्दै दीप प्रज्ज्वलन गरिएको थियो ।

चैत १७ गते गोरखाबाट सुरु भएको शान्ति समाजको हिमालय बचाउँ नदी जोगाउँ, गुणस्तरीय स्वास्थ्य सेवा र वैज्ञानिक शिक्षा सबैको अधिकार, युद्ध निषेध शान्ति विशेष र लागू औषध/मदिरा दुर्व्यसनविरुद्धको अभियानको पहिलो चरण चैत २४ गते लुम्बिनीमा दीप प्रज्ज्वलनसहित समापन भएको हो ।

यस अभियानअन्तर्गत गण्डकी प्रदेशको माथिल्लो मुस्ताङ लोमानथाङ्गसहित लुम्बिनी, वाग्मती र कर्णाली प्रदेशका रुकुम पश्चिम, सल्यानसमेत गरि २० जिल्लाका २२ स्थानमा सभा गरिएको थियो ।