काठमाडौँ- विश्व बैंकले अफगानिस्तानको अर्थतन्त्र यो वर्ष अझ संकुचित हुने प्रक्षेपण गरेको छ । विश्वबैंकले सार्वजनिक गरेको विकास प्रतिवेदनमा सन् २०२२ मा अफगानिस्तानको कूल ग्राहस्थ उत्पादनमा अझ संकुचन हुने प्रक्षेपण गरेको हो ।

खामाप्रेसका अनुसार सन् २०२१ र २०२२ मा अफगानिस्तानको अर्थतन्त्रमा ३०–३५ प्रतिशतको संकुचन देखिएको छ ।

अफगानिस्तानका लागि विश्व बैंककी निर्देशक मेलिन्डा गुडले अफगान व्यापारमा केही स्थीरता र सहनशीलता देखिएपनि मुलुकले विशाल सामाजिक एवम् आर्थिक चुनौतीको सामना गरिरहेकोले यसबाट अफगान जनता खासगरी महिला, बालिका र अल्पसङ्ख्यकलाई प्रभावित बनाइरहेको टिप्पणी गरेकी छिन् ।

पछिल्ला केही महिनामा जीवनस्तरमा केही सुधार देखिएपनि मुलुकभर बञ्चितीकरणको ठूलो समस्या देखिएको उनको भनाइ छ । मुलुकमा कायम उच्च मुद्रास्फीतिबाट अझ ठूलो समस्या उत्पन्न भएको छ ।