काठमाडौँ- नेपाली कांग्रेसका नेता मीन विश्वकर्माले निर्वाचनको मिति घोषणा भए पनि वर्तमान सरकार कामचलाउ नभएको बताएका छन्।
आइतबार संसद् भवनमा सञ्चारकर्मीहरुसँग कुरा गर्दै नेता विश्वकर्माले नियमित कार्यविधि सम्पन्न गरेर हुने निर्वाचन भएकाले सरकार कामचलाउ नहुने बताएका हुन् ।
प्रधानमन्त्रीले राजीनामा गरेमा, संसदमा विश्वास गुमाएमा र संसद् विघटन भएमा मात्र सरकार काम चलाऊ हुने उनको भनाइ छ । संसद् विघटनपछि पुनः स्थापित सांसदबाट बनेको पाँचदलिय गठबन्धनको सरकारले निर्वाचन गर्ने, जनताको अधिकार स्थापित गर्ने लगायतका महत्त्वपूर्ण कार्य गरिरहेको उनको भनाइ छ।
प्रतिक्रिया