काठमाडौँ – कर्णाली प्रदेश सभाको बैठक आज बस्ने भएको छ ।
प्रतिपक्ष दल नेकपा एमालेले गत असार १२ गतेदेखि अवरुद्ध गरेको बैठक आज बस्ने संसद् सचिवालयले जनाएको छ।
त्यसअघि एमालेसँग छलफल गरेर सहमतिमा ल्याउने प्रयास भइरहेको सभामुख राजबहादुर शाहीले जानकारी दिएका छन् । एमालेले गत माघमा सरकारले प्रतिपक्षसँग गरिएको ७ बुँदे सम्झौता कार्यान्वयन गर्नुपर्ने माग गरिरहेको छ ।
सो माग पुरा नभएसम्म आगामी आर्थिक वर्ष २०७९–०८० को लागि ल्याइएको बजेटमाथिको छलफल गर्न दिइरहेको छैन । बजेटमाथि पनि एमालेले आपत्ति जनाउँदै आएको छ।
प्रतिक्रिया