सर्लाही- सर्लाहीको ईश्वरपुर नगरपालिका -५ को वडा अध्यक्षका लागि नेकपा एमालेका युवा नेता मन्दिप राज घिमिरे चुनाव लड्न तयार भएका छन् । ईश्वरपुर- ५ दस्बिगा निवासी घिमिरेले ईश्वरपुर नगरपालिका-५ को वडा अध्यक्षका लागि उम्मेदवारी दिने घोषणा गरेका हुन् ।

सक्रिय युवा विद्यार्थी आन्दोलनबाट राजनीतिमा प्रवेश गरेका घिमिरे राजनीतिक यात्रा भने निकै नै रोचक र सफल रहेको देखिन्छ ।

विगत लामोसमयदेखि अनवरत रुपमा युवा विद्यार्थी, महिला, मजदूर, किसान, दलित लगायतका पीडित, उत्पीड़ित वर्ग र समुदायको हक अधिकारका लागि शसक्त रुपमा आवाज उठाउदै आइरहेका छन्।

“पारदर्शी एवं जन उत्तरदायी सरकार ! सुशासन एवं समुन्नतिको मुल आधार !!” संगसंगै “बदलाव र विकासको मुल आधार ! कुशल नेतृत्व एवं मजबुत सरकार !!” जस्ता आफ्नो प्रमुख नाराहरुलाई व्यवहारतः आम जनताले देख्न, बुझ्न र महशूस गर्न सक्ने ढंगबाट लागू गरी “समृद्ध ईश्वरपुर नगर र सुखी ईश्वरपुर नगरवासी” निर्माण मार्फत ईश्वरपुर पहिलो मजबुत आधार तयार पार्ने दृढ संकल्पका साथ उनी चुनावी मैदानमा आइरहेको घिमिरे बताउँछन्।

घिमिरे स्थानीय जनताका बीच उनी निकै चर्चित र लोकप्रिय नेताका रुपमा चिनिन्छन् । उनी भन्छन्, ‘मेरो मूल चाहना अध्यक्ष बनेर मुलुक र समाजलाई सही मार्ग दर्शन एवं नेतृत्व प्रदान गरी देश र जनताको सेवा गर्नु नै हो। जसले गर्दा पार्टीले पनि मेरो नयाँ सोच, शैली र सामर्थ्यलाई सही एवं सार्थक रुपमा सदुपयोग गरी ईश्वरपुर -५ को आम नगरवासी जनताको सेवा गर्न मलाई सर्व सहमत रुपमा टिकट दिन्छ, भन्ने विश्वास छ।’