काठमाडौं– युक्रेनले आफ्नो मुलुकमाथि आक्रमण गर्न आएका ११ हजार रुसी सैनिक मारिएको दाबी गरेको छ । युक्रेनको रक्षा गुप्तचर विभागले युक्रेनमाथि आक्रमणमा सहभागी ११ हजार रुसी सैनिक मारिएको दाबी गरेको । विभागले युद्धका क्रममा ४४ रुसी लडाकु विमान र ४८ सैनिक हेलिकोप्टर समेत खसालेको जनाएको छ ।

गत फेब्रुअरी २४ यता जारी रुसी सैनिक आक्रमणका क्रममा रुसका २८५ ट्याङ्क ध्वस्त पारिएको विभागको भनाइ छ ।

रुसी पक्षबाट युक्रेनले सार्वजनिक गरेको हताहतिको विवरणबारे कुनै प्रतिक्रिया आएको छैन । यसअघि रुसले केही दिनअघि युक्रेनमा जारी सैनिक कारवाहीमा आफ्ना ५ सय भन्दा कम सैनिक मारिएको जनाएको थियो ।

यद्यपि युद्धका क्रममा भएको हताहतिको अनुमान गर्न सहज नभएको सुरक्षा विश्लेषकहरूका उद्धृत गर्दै अन्तर्राष्ट्रिय सञ्चारमाध्यमहरूले जनाएका छन् ।