काठमाडौं– लिजेन्ड बलिउड एक्टर अमिताभ बच्चनले नेपाली ढाकाटोपी लगाएका छन् । बच्चनले ढाकाटोपी लगाएको तस्वीर सामाजिक सञ्जाल इन्स्टाग्राममा शेयर गरेका हुन् ।

फोटोको क्याप्सनमा उनले ‘केटी को… केटी को…’ लेखेका छन् । तस्वीरमा उनले कैलो कोट पनि लगाएका छन् । फ्लिमको सुटिङका क्रममा उनले नेपाली ढाका टोपी लगाएको भारतीय सञ्चारमाध्यमले जनाएका छन् । हाल उनी ‘उँचाई’ चलचित्रमा व्यस्त छन् ।

हाल यो चलचित्र भारतको उत्तराखण्ड राज्यमा सुटिङको क्रममा रहेको भारतीय सञ्चारमाध्यमहरुले जनाएका छन् । केही महिनाअघि मात्रै यो फ्लिमको टिमले नेपालमा आएर शुटिङ गरेको थियो ।

शुरुमा बच्चन पनि नेपालमा आउने भनिएपनि अस्वस्थताका कारण आउन पाएका थिएनन् ।

हाल उनले पोष्ट गरेको तस्वीर सामाजिक सञ्जालमा भाइरल भइरहेको छ । उनको तस्वीरले हालसम्म ३ लाख १४ हजार लाइक्स पाएको छ ।