धेरै फलफूल किनेर राख्दा कैयौँ पटक सेवन गर्न नपाइ ती फलहरू कुहिएर वा सुकेर नष्ट हुन्छन् । फल भण्डार गरेर वा वासी राखेर खानु लाभदायक हुँदैन । त्यसैले त्यति नै फल खरिद गर्नु पर्दछ जति आवश्यक होस् । तथापि सेवन गर्न नपाइ फल कुहिए के गर्ने ?

यदि फल सेवन गर्न नपाई खराब हुन लाग्यो भने डस्बिनमा फ्याँक्ने भन्दा त्यसलाई कुनै ड्रिङ्क, जाम वा जेली बनाएर राख्न सकिन्छ । यसलाई ब्रेड, रोटीमा लगाएर सेवन गर्न पनि सकिन्छ । तर गोलभेँडा, बासी तरकारी र दूध खेर जान नदिन के गर्ने त ?

गोलभेँडा
गोलभेँडा भान्सामा दिनहुँ प्रयोग हुन्छ । तर, गोलभेँडा भने क्रमशः खराब हुँदै जान्छ । त्यसैले गोलभेँडा प्रयोग गरी नसक्दै विग्रने अवस्था आयो भने त्यसलाई सुप बनाएर पिउन सकिन्छ । वा अचार बनाएर राख्न पनि सकिन्छ ।

बासी तरकारी
धेरैमा सागसब्जी आवश्यकता भन्दा बढी खरिद गर्ने र भण्डारण गर्ने बानी छ । तर सागसब्जी एकै पटक धेरै खरिद गरेर राख्नु भन्दा ताजा खरिद गरी पकाउनु राम्रो हुन्छ । ताजा सागसब्जीमा पाइने जति मिनरल्स र खनिज बासीमा पाइँदैन । यस्तोमा साग बासी भयो भने त्यसलाई घाममा ओइलाएर बोतलमा खदिँलो बनाउने । पछि त्यसको अमिलो बास्ना आउन थालेपछि पुन घाममा सुकाएर गुन्द्रक बनाउन सकिन्छ । मुला, गाजरलाई अचार बनाउन सकिन्छ ।

दूध
यदि दूध वासी भयो वा धेरै भएको अवस्थामा त्यसलाई दही बनाउन सकिन्छ । दूध फाट्यो भने त्यसलाई कागतीको रस चुहाएर फेरी उमाल्ने छोक्रा र पानी छुट्याएर पनिर बनाउन सकिन्छ ।