काठमाडौं–नेपाली अभिनेत्री सुष्मा अधिकारी यतिबेला भोजपुरी फिल्म उद्योगमा संघर्षरत छिन् । सामाजिक सञ्जालमा सक्रिय सुष्माले आफ्ना ग्ल्यामर तस्वीरहरु पोष्ट गरिरहन्छिन् । हालैमात्र उनले कालो पहिरनमा निकै बोल्ड फोटो इन्स्टाग्राममा शेय गरेकी थिइन् । जुन तस्वीरलाई भारतीय मिडियाले विशेष स्थान दिएका छन् । उनको यो तस्वीर सामाजिक सञ्जालमा भाइरल बनिरहेको छ ।
सुष्मा आफ्नो फेसन सेन्सका कारण चर्चामा आइरहन्छिन् । ग्ल्यामर साडी र लेहंगादेखि लिएर क्याजुअल पहिरन तथा बिकिनीमा सुष्माले आफ्नो हट अवतार देखाउने गर्छिन् । सुष्माले इन्स्टाग्राममा राखेको पछिल्लो तस्वीरमा एक प्रयोगकर्ताले ‘तपाईं एकदम बेबी डल जस्तै देखिनुभएको छ’ भन्दै कमेन्ट गरेका छन् । त्यस्तै अर्का प्रयोगकर्ताले सुन्दरता र फिटनेसको रहस्य थाहा पाउन खोजेका छन् ।
सुष्माले अभिनयको सुरुवात नेपाली फिल्मबाट गरेकी हुन् । यसपछि उनले भोजपुरी फिल्ममा पाइला चालिन् । उनले ‘दीवाना २’ र ‘जय मधेस’लगायत कैयौं हिट फिल्ममा अभिनय गरेकी छन् ।
प्रतिक्रिया