काठमाडौँ- नेपालसँग सीमा जोडिएको भारतको उत्तर प्रदेशका विधायक अरविन्द गिरिको निधन भएको छ । भारतीय जनता पार्टी भाजपाका विधायक अरविन्द गिरिको हृदयघातका कारण मङ्गलबार मृत्यु भएको भारतीय सञ्चारमाध्यमले जनाएका छन् ।
उनी उत्तर प्रदेश राज्यको लखिमपुर खेरी जिल्लाको गोला गोक्रनाथ विधानसभा क्षेत्रबाट पाँच पटक विधायक रहिसकेका छन् । उपचारका लागि राज्यको राजधानी लखनउ ल्याउँदा बाटोमा नै उनको मृत्यु भएको हो ।
उत्तर प्रदेशका मुख्यमन्त्री योगी आदित्यनाथले नेता गिरिको निधनले राज्यलाई अतुलनीय क्षति भएको बताउँदै शोकाकुल परिवारजनमा समवेदना व्यक्त गरेका छन् ।
प्रतिक्रिया