काठमाडौँ– नेकपा एमालेका अध्यक्ष केपी ओलीले गठबन्धनले फेरी पनि पाँच वर्ष सरकार चलाए मुलुक अस्थिपञ्जर बन्ने बताएका छन् ।

शनिबार काठमाडौंमा नेकपा एमाले प्रदेश सम्पर्क कमिटी प्रदेश १ भेलालाई सम्बोधन गर्दै ओलीले १ वर्षको अवधिमा नै वर्तमान गठबन्धनको सरकारले मुलुकलाई संकटको बाटोतर्फ अघि बढाएको भन्दै फेरी पनि पाँच वर्ष सरकार चलाए मुलुक अस्थिपञ्जर बन्ने बताएका हुन् ।

उनले देश बचाउन, देशलाई अघि बढाउन र देशको विकास गर्न एमालेको बहुमत आवश्यक पर्ने बताए । ओलीले यसपटकको निर्वाचनमुखी महासंग्राम जसरी भएपनि राष्ट्रवादी देशभक्ति शक्तिले जित्नुपर्ने बताए । एसपीपीका नाममा विदेशी हतियार भित्राएर नेपाली युवाहरूलाई बर्बाद पर्नेहरूलाई जनताले ठिक पार्नुपर्ने उनको भनाई छ । ओलीले कम्युनिष्ट पार्टी भन्नेहरू एमालेको सरकार ढाल्न कांग्रेसको पुच्छर बनेको तर्क समेत गरे ।

उनले समृद्ध नेपाली, सुखी नेपालीको आकाङ्क्षालाई पुरा गर्नका लागि एमालेमा जोडिन आह्वान समेत गरे ।