काठमाडौँ- नेकपा (एमाले) का अध्यक्ष केपी शर्मा ओलीले उद्योग व्यवसायको उन्नति र प्रगतिबिना मुलुक समृद्ध हुन नसक्ने बताएका छन्।

बुधबार काठमाडौँमा नेपाल राष्ट्रिय उद्योग व्यवसाय महासङ्घको दोस्रो राष्ट्रिय महाधिवेशन उद्घाटन गर्दै अध्यक्ष ओलीले मुलुकको विकास र समृद्धिका लागि उद्योगी व्यवसायीहरुले नेतृत्व लिनुपर्ने समेत बताए। त्यस्तै उनले गठबन्धन सरकार रहिरहेमा देश बर्बादीतिर धकेलिने बताएका छन् । अध्यक्ष ओलीले गठबन्धन सरकार कुहिएर आफैं झर्ने बताए ।

उनले आफू २०७२ सालमा प्रधानमन्त्री भएपछि देशमा विकासको नयाँ लहर आएको दाबी गर्दै आगामी निर्वाचनपछि एमालेले विकासको कामलाई तिव्रता दिने दाबी गरे। मुलुकलाई अघि बढाउनका लागि वर्तमान सरकारको बर्हिगमन अनिवार्य रहेको उनको भनाइ छ।

त्यस्तै उनले गठबन्धन अब लामो समय नटिक्ने तर्क गरे।