भक्तपुर – भक्तपुरको चागुँनारायण नगरपालिका -६ नगरकोट गैरीगाउँमा जुवा खेलिरहेका १३ जनालाई प्रहरीले नियन्त्रणमा लिएको छ ।
स्थानीय ३७ वर्षीय मनबहादुर तामाङले आफ्नै तीन तल्ले घरमा सञ्चालन गरेको न्यु गन्तव्य रेस्टुरेन्ट एन्ड होटेलमा जुवा (कौडा) खेलिरहेका उनीहरूलाई बुधबार बिहान पक्राउ गरेको महानगरीय प्रहरी परिसर भक्तपुरले जनाएको छ ।
सूचना प्राप्त हुनासाथ परिसर भक्तपुरबाट प्रहरी अधिकृतको कमान्डमा खटिएको टोलीले कौडा खेल्ने १३ जनालाई आठ लाख २२ हजार ६० र १६ थान कौडासहित नियन्त्रणमा लिएको परिसरका सूचना अधिकृत राजु पाण्डेले जनाए । उनीहरूमाथि थप अनुसन्धान कार्य भइरहेको जनाइएको छ ।
प्रतिक्रिया