काठमाडौं । शनिबार राति भएको इंग्लिस प्रिमियर लिग अन्तर्गतको खेलमा चेल्सीले शानदार जित निकालेको छ ।

बर्नलीमाथि चेल्सीले ४-० को जित दर्ता गरेको हो । चेल्सीको जितमा काइ हाभर्ट्जले दुई गोल गरे भने रीस जेम्स र क्रिस्चियन पुलिसिचले एक एक गोल गरे ।

पहिलो हाफ गोलरहित बराबरी खेलेको बर्नलीले दोस्रो हाफमा चार गोल खाएको हो । खेलको ४७ औं मिनेटमा जेम्सले गोल गर्दै चेल्सीलाई सुरुआती अग्रता दिलाएका थिए । ५२ मिनेटमा हाभर्ट्जको गोलबाट चेल्सीले अग्रतार दोब्बर बनायो ।

त्यसको तीन मिनेटपछि व्यक्तिगत दोस्रो गोल गर्दै
हाभर्ट्जले चेल्सीलाई ३-० को अग्रतामा पुर्याए ।

थप एक गोल खेलको ६९ औं मिनेटमा पुलिसिचले गरे । यो जितसँगै चेल्सीले २६ खेलमा ५३ अंक जोडेको छ । चेल्सी तालिकाको तेस्रो स्थानमा रहेको छ ।