काठमाडाैँ- कतारमा जारी विश्वकप अन्तर्गत जापान र क्रोएसियाबीचको खेल अतिरिक्त समयमा पनि बराबरीमा नै सकिएको छ । योसँगै खेल पेनाल्टी सुटआउटमा पुगेको छ ।
निर्धारित ९० मिनेटमा १–१ को बराबरीमा सकिएको खेलमा थपिएको ३० मिनेटको अतिरिक्त समयमा पनि गोल हुन नसकेपछि पेनाल्टी सुटआउटमा पुगेको हो । अब पेनाल्टी सुटआउटबाट माथिल्लो चरणमा पुग्ने टोलीको छिनोफानो हुने भएको हो।
यसअघि खेलको ४३ औं मिनेटमा जापानका डाइजेन माइडाले गोल गर्दै टोलीलाई अग्रता दिलाएका थिए। भने दोस्रो हाफको ५६ औं मिनेटमा क्रोएसियाका इभान पेरिसिकले बराबरी गोल फर्काएका थिए । खेलमा थप गोल हुन नसकेपछि खेल अतिरिक्त समयमा धकेलिएको हो।
प्रतिक्रिया