काठमाडौँ- भारी वर्षासँगैको बाढी र पहिरो जस्ता प्रकोपको उचित व्यवस्थापन गर्न नसकेको भन्दै पाकिस्तानमा विद्यार्थीहरुले प्रदर्शन गरेका छन् ।

पाकिस्तानको पञ्जाब प्रान्तका विद्यार्थीहरुले सरकारले प्राकृतिक प्रकोपको उचित व्यवस्थापन गर्न नसकेको भन्दै विद्यार्थीहरुले प्रदर्शनको आयोजना गरेको पाकिस्तानबाट प्रकाशित हुने डन अखबारको अनलाइन संस्करणले जनाएको छ ।

डनका अनुसार पञ्जाब प्रान्तका डेरा गाजी खान र रञ्जनपुर जिल्लामा विद्यार्थीहरु प्रदर्शनमा उत्रेका हुन् ।

प्रदर्शनमा पञ्जाब विश्वविद्यालय र किङ एडवर्ड चिकित्सा विश्वविद्यालयका विद्यार्थीहरु सहभागी रहेको जनाइएको छ ।

पाकिस्तानमा आएको बाढीबाट हालसम्म १३ सयभन्दा धेरैको ज्यान गइसकेको छ भने अरु लाखौँ मानिसहरु प्रभावित भएका छन् । पाकिस्तान सरकारले बाढीपीडितलाई सहयोग गर्न अन्तर्राष्ट्रिय समुदायसँग आह्वान गरेको छ ।