काठमाडौँ– कोरोना भाइरसको प्रकोप रोक्न चीनले माछा मार्ने माझी मात्रै नभई माझीले समातेका माछाहरु समेत परीक्षण गर्ने गरेको पाइएको छ ।

ब्लूमबर्गका अनुसार चिनियाँ अधिकारीहरुले दक्षिणी फुजियान प्रान्तको सियामेन सहरमा माझीहरुसँगै उनीहरुले समातेको माछामा पनि कोरोना भाइरसको परीक्षण गर्दै आएका छन् ।

सियामेन सहरको तटपारी अवस्थित हाइनान टापुमा कोरोना भाइरसको प्रकोप अझ खराब बन्दै जाँदा अधिकारीहरुले माझी र उनीहरुले समातेका माछामा पनि कोरोना भाइरसको परीक्षण गर्दै आएका छन् ।

चिनियाँ अधिकारीले माछामा समेत कोरोना भाइरसको परीक्षण गर्दै आएको घटनालाई लिएर भने सामाजिक सञ्जालमा बहस र आलोचना सुरु भएको ब्लुम्बर्गले जनाएको छ ।

सियामेन सहरको जिमेई जिल्लाका अधिकारीहरुले गत जुलाई महिनामा माछामा समेत कोरोना भाइरसको परीक्षण गरिने जनाएका थिए ।

सो क्षेत्रमा रहेका माझीहरुले विदेशबाट अवैध तरिकाले विदेशी माछा आयात गर्ने गरेको र यसकारण कोरोना भाइरसको जोखिम बढ्ने सरकारी अधिकारीको भनाइ छ ।

यसबारे जिमेई क्षेत्रका अधिकारीहरुले कुनै टिप्पणी नगरेको ब्लूम्बर्गले उल्लेख गरेको छ ।