भोजपुरको बिहीबारे बजारमा आगलागी

२२ बैशाख २०७९, बिहिबार

पढ्न लाग्ने समय : < 1 मिनेट

सांकेतिक तस्बिर

भोजपुर– भोजपुरको षडानन्द नगरपालिका–१४ स्थित बिहीबारे बजारमा आगलागी भएको छ ।

स्थानीय डम्बरबहादुर तामाङ र विपिन तामाङको घरमा आगलागी भएको प्रहरी चौकीका प्रहरी सहायक निरीक्षक कुमार खत्रीले जानकारी दिएका छन् ।

आगलागीका कारण खुल्न नसकेको प्रहरीले जनाएको छ । आगलागीबाट दुवै घरका नौ वटा सटर जलेका छन् । दुई वर्षीय बालक पनि जलेर घाइते भएको प्रहरीले जनाएको छ ।

एकै घरका चारदेखि पाँच वटा सटरमा सामग्री रहेकाले ठूलै क्षति भएको अनुमान गरिएको छ । आगलागी नियन्त्रणमा आएको र क्षतिको विवरण आउन बाँकी छ ।

प्रकाशित मिति : २२ बैशाख २०७९, बिहिबार १० : ३७ बजे

प्रतिक्रिया