काठमाडौँ– बलिउडका सुप्रसिद्ध निर्माता तथा निर्देशक करण जोहरले १९ वर्षदेखि सञ्चालन गर्दै आइरहेको टेलिभिजन शो ‘कफी वीथ करण’ सदाको बन्द भएको घोषणा गरे ।

उनको घोषणाले सम्पूर्णलाई आश्चर्यमा पार्यो । केही समय अगाडि मात्र नयाँ सिजन र पाहुनाको चर्चाकै बीच सो नै बन्द हुने घोषणा अपत्यारिलो थियो । स्टार वर्ल्ड इन्डियाले नोभेम्बर १९,२००४ मा कफी वीथ करणको पहिलो एपिसोड प्रिमियर गरेको थियो । करण जोहरले आयोजना गरेका यो शो को सिजन–६ को अन्तिम एपिसोड मार्च १७, २०१९ मा प्रसारित भएको थियो । 

करण आफैँले सामाजिक सञ्जाल टक सो ‘कफी वीथ करण’ को नयाँ सिजन ओटीटीमा ल्याउने घोषणा गरेका छन् । उनले डिज्नी प्लस हटस्टारमा ‘कफी वीथ करण’ को नयाँ सिजन आउने घोषणा गरेका छन् । ‘हरेक कथामा ट्वीस्टको आवश्यकता हुन्छ । त्यसैले नयाँ सिजन ७ लाई ओटीटीमा ल्याउँदै छौँ’ करणले लेखेका छन् । उनले पुरानै रमाइलो छिटै फर्किने समेत उल्लेख गरेका छन् । 

सिजन–७ मा नव विवाहित रणवीर कपूर र आलिया भट्ट शो मा पहिलो अतिथि हुने अपेक्षा गरिएको छ ।