काठमाडौँ– नेपाल बार एशोसिएशनको चुनावमा गोपालकृष्ण घिमिरे समूहले अग्रता लिएको छ ।
आजबाट सुरु भएको मतगणनामा घिमिरे दोब्बर मतका साथ अग्रता लिएका हुन् ।
घिमिरे डेमोक्रेटिक लयर्स एशोसिएसन (डीएलए), गणतान्त्रिक कानुन व्यवसायी संगठन र समाजवादी लयर्स एशोसिएसनका तर्फबाट अध्यक्षका उम्मेदवार हुन् ।
एमालेनिकट पीपीएलएका विष्णुमणि अधिकारी भने पछाडि परेका छन् ।
प्रारम्भिक नतिजाअनुसार घिमिरेले ७ सय ७७ मत पाएका छन् भने अध्यक्षका अर्का उम्मेदवार अधिकारीले मात्र ३ सय ७२ मत पाएका छन् । हालसम्म १ हजार २ सय ४६ मत गणना भइसकेको छ ।
पृथ्वीमान राईले १३ मत प्राप्त गरेका छन् ।
प्रतिक्रिया