काठमाडौं– अफगानिस्तानको सरकार चलाइरहेको तालिबानले अमेरिकी मिडिया नेटवर्क भ्वाइस अफ अमेरिका बन्द गरिदिएपछि अमेरिकाले अफगानिस्तानलाई लक्षित गरी नयाँ स्याटेलाइट टेलिभिजन सञ्चालनमा ल्याएको छ ।

भ्वाइस अफ अमेरिकाले जनाएअनुसार नयाँ च्यानलले अफगानिस्तानमा प्रयोग हुने पश्तो तथा दारी भाषामा सामग्री उत्पादन गर्नेछ ।

यसअघि तालिबानले भ्वाइस अफ अमेरिकाले अफगानिस्तानमा तालिबानका नीतिको विरुद्ध गएको र महिलालाई समाचार वाचन गर्न दिएको भन्दै भ्वाइस अफ अमेरिकालाई बन्द गरिदिएको थियो ।

अब भ्वाइस अफ अमेरिकाले ‘भ्वाइस अफ अमेरिका अफगानिस्तान’ नामक नयाँ च्यानल याहस्याट वाई–१ ए स्याटेलाइट (५२.२ डिग्री पूर्व) बाट प्रसारण गर्ने भ्वाइस अफ अमेरिकाले जनाएको छ ।