काठमाडौँ– प्रधानमन्त्री शेरबहादुर देउवाले कर्मचारी समायोजनमा देखिएका समस्या छिट्टै समाधान गर्ने बताएका छन् ।
नेपाल निजामती कर्मचारी युनियन केन्द्रीय कार्य समितिले शनिबार काठमाडौँमा गरेको कार्यक्रममा प्रधानमन्त्री देउवाले समायोजनमा देखिएको समस्या पारस्परिक छलफलका आधारमा समाधान गरी कर्मचारीहरूलाई सन्तुष्ट पार्ने प्रतिबद्धता जनाएका हुन् ।
उनले संघीय निजामती सेवा ऐनलाई यथाशिघ्र जारी गर्दै कार्यान्वयनमा लैजाने पनि बताए ।
प्रधानमन्त्री देउवाले कर्मचारीलाई आफ्नो छवी स्वच्छ राख्न र जनतामा सहज ढंगले सेवा प्रवाहको काम गर्न पनि कर्मचारीहरूलाई आग्रह गरे ।
प्रतिक्रिया