काठमाडौँ– अफगानिस्तानमा दशौँ लाख किसानहरुले अझै अफिमखेती गरिरहेको अफगानिस्तानको पुननिर्माणका लागि अमेरिकी विशेष महानिरीक्षकको कार्यालयले जनाएका छन् ।

कार्यालयलाई उद्धृत गर्दै अफगानिस्तानको खामाप्रेसले जनाएअनुसार तालिबानले लागूऔषधलाई प्रतिबन्धित गरेको घोषणा गरेपनि अफिमखेतीमा कमी नआएको हो । यसअघि तालिबानका सर्वोच्च नेता मुल्लाह हैबतुल्लाहले गत मार्च महिनामा मुलुकमा लागूऔषधको उत्पादन, तस्करी र खरिदबिक्रीमा प्रतिबन्ध लगाएको घोषणा गरेका थिए ।

यद्यपि गरिबी एवम् बेरोजगारीका कारण कुनै विकल्प नभएपछि किसानहरुले अफिमखेतीलाई निरन्तरता दिएका हुन् । छिमेकी मुलुक ताजिकिस्तानको आन्तरिक मन्त्रालयले तालिबानले गत वर्षको अगस्ट महिनामा अफगानिस्तानको सत्ता कब्जा गरेयता त्यहाँ लागूऔषधको तस्कीर र उत्पादनमा झण्डै दोब्बरले वृद्धि भएको छ ।