काठमाडौँ : कोशी नदीको बाढीले बाँध फुटाएर गाउँ पस्दा धेरै नागरिकको बिचल्ली भएको छ । बाँध फुटेपछि पहिलेकै धारमा बग्न थालेको कोशीले बस्ती डुबानमा पारेको छ ।

बाढीले गर्दा सुनसरी र उदयपुरका धेरै गाउँ डुबानमा परेका छन् । कतिपय अझै डुबानमा पर्ने जोखिम कायमै छ ।

बस्ती डुबानमा परेपछि बुधबारदेखि नै उद्धार चलिरहेको छ । उद्धारका क्रममा धेरैले आफ्नो ज्यान जोगाएका छन् । कतिपय आफ्नो घरको सामान पनि जोगाएका छन् ।

तर धेरैजसोको घरको सामान बाढीमा परेको छ । नेपाल प्रहरी, सशस्त्र प्रहरीले बाढीपीडितको उद्धारको काम जारी राखेको छ ।

कतिपयले सबै सामान निकालेर खाली घर छाडेर हिडेका छन् । फर्किदा त्यो घर रहन्छ वा रँहदैन त्यो पनि स्थानीयलाई थाहा छैन ।

कतिपय बोट निकालेर बाढीमा फसेकाहरुको उद्धार कार्यमा सशस्त्र प्रहरी अनवरत लागेको छ ।