काठमाडौं– गायिका सरिता भारती र गायक सुवर्ण कुमारको सहकार्यमा नयाँ काठे गीत ‘चिया पकाउ’ सार्वजनिक भएको छ । गीतमा सुवर्णकै शब्द, संगीत र संगीत संयोजन छ ।

भिडियोमा गायिका सरिता र अभिनेता प्रवण भुसालबीचको प्रेम सम्बन्धको कथा प्रस्तुत गरिएको छ । अभिनेता प्रवण र गायिका सरिताले यसअघि सर्ट फिल्म ‘द डटर’ र ‘थाहै नपाई’गीतको भिडियोमा सँगै अभिनय गरिसकेका छन् । यो भिडियोमा सरिता र प्रवणसँगै विष्णु श्रेष्ठ, सुस्मिता श्रेष्ठ, सुनिता मगराती, सुस्मिता कार्कीको पनि अभिनय रहेको छ ।

सुवास बुढाथोकीको निर्देशन र कोरियोग्राफी रहेको भिडियोमा एस कुमारको छायांकन र सम्पादन तथा वीरेन्द्र भाट विपिनको रंग संयोजन छ ।

भिडियोलाई बुढासुब्बा डिजिटलबाट बुधबार रिलिज गरिएको हो ।