वसन्त पञ्चमीबाट वसन्त ऋतुको आगमन हुन्छ । यस दिन विद्याकी देवी सरस्वतीको आराधनाका साथै कामदेवको पनि पूजा गरिन्छ । यस अलावा वसन्त पञ्चमीमा विवाह गर्नु पनि शुभ मानिन्छ । मान्यता अनुसार यस विवाहका लागि अबुझ मुहूर्त रहन्छ ।

ज्योतिष शास्त्र अनुसार वसन्त पञ्चमीको दिनभर दोषरहित विवाहको श्रेष्ठ योग रहन्छ । यस अलावा आइतबार परेको वसन्त पञ्चमीको योग अति शुभ संयोग मानिन्छ । शास्त्र अनुसार वसन्त पञ्चमीका दिन भगवान् शिव र माता पार्वतीको तिलकोत्सव भएको थियो । यस दृष्टिले पनि वसन्त पञ्चमी विवाहका लागि शुभ दिन मानिन्छ ।

यस्ता व्यक्तिले वसन्त पञ्चमीका दिनमा विवाह गर्न सक्छन् :

– वसन्त पञ्चमीमा ती व्यक्तिले विवाह गर्न सक्छन्, जसको विवाहमा लगातार अड्चन आएको हुन्छ ।

– विवाहका लागि वर र वधू पक्ष राजी भएर पनि गुण मिलान भएको छैन भने यस्ता व्यक्तिले पनि वसन्त पञ्चमीमा विवाह गर्न सक्छन् ।

– विवाहका लागि सबै तय भएर पनि शुभ मुहूर्त नभएको अवस्थामा पनि वसन्त पञ्चमीका दिन विवाह गर्न सकिने मान्यता छ ।

– तुरुन्तै विवाह गर्न चाहनेका लागि वसन्त पञ्चमी उत्तम दिन मानिन्छ ।

वसन्त पञ्चमीमा अरु के गर्नु शुभ मानिन्छ ?

हुन त वसन्त पञ्चमीमा विद्या र बुद्धिकी देवी सरस्वती र कामदेवको पूजा गरिन्छ । साथै यस दिन विवाहका अलावा गृह प्रवेश, नयाँ जागिरको सुरुवात, कुनै नयाँ कामको सुरुआत, भूमि पूजन, छेवर लगायतका शुभ कार्य गर्न सकिने मान्यता छ ।