लमजुङ– जिल्ला अस्पताल लमजुङले विजया दशमीको अवसरमा तीन दिन सेवा बन्द गर्ने भएको छ । असोज १८ गते नवमीदेखि २० गतेसम्म अस्पतालको प्रशासन तथा बहिरङ्ग सेवा बन्द गर्ने भएको हो । अस्पतालले एक सूचना जारी गरी प्रशासन तथा बहिरङ्ग विभाग बन्द हुने जनाएको छ ।
अस्पतालका प्रमुख हेमन्त श्रेष्ठका अनुसार प्रशासन तथा बहिरङ्ग विभाग बन्द गरिए पनि अस्पतालले प्रदान गर्दै आएको आकस्मिक तथा अन्तरंग सेवा भने सञ्चालन हुनेछ । साथै डाइलासिस र प्रसूति सेवा पनि यथावत रुपमा नै सञ्चालन गरिने उनले बताए ।
चाडपर्वमा अस्पतालमा कार्यरत कर्मचारी दशैँ मनाउन घरमा जाने भएकाले प्रशासन तथा बहिर्गत सेवा बन्द गरिने अस्पतालले जनाएको छ ।
प्रतिक्रिया