काठमाडौं । इंग्लिस प्रिमियर लिग फुटबलमा वेस्ट ह्यामविरुद्ध चेल्सीले जित निकालेको छ ।घरेलु मैदानमा शनिबार राति भएको खेलमा चेल्सीले वेस्ट ह्यामलाई २– १ गोल अन्तरले पराजित गरेको हो ।चेल्सीको जितमा बेन चिलवेल र काइ हाभर्ट्जले १/१ गोल गरे ।
खेलको ६३ औं मिनेटमा मिखाइल एन्टोनियोले गोल गर्दै वेस्ट ह्यामलाई अग्रता दिलाएका थिए ।तर, खेलको ७६ औं मिनेटमा बेन चिलवेलले गोल गर्दै चेल्सीलाई १-१ गोलको बराबरीमा ल्याए ।
त्यसपछि खेलको ८८ औं मिनेटमा काइ हाभर्ट्जले गोल गर्दै चेल्सीलाई २-१ को जित दिलाए ।जितसँगै चेल्सीले ६ खेलमा १० अंक जोडेको छ ।चेल्सी पाँचौं स्थानमा उक्लिएको छ ।वेस्ट ह्याम ४ अंक जोडेर १७ औं स्थानमा रहेको छ ।
प्रतिक्रिया