मुगु – नेपाली कांग्रेस मुगुका पार्टी सभापति ऐन बहादुर शाहीको नाम सर्वसम्मत सिफारिस भएको छ।

शुक्रबार बसेको पार्टीको जिल्ला कार्य समिति बैठकले आगामी मंसिर ४ मा हुने प्रतिनिधिसभाको निर्वाचनको उम्मेदवारको रुपमा शाहीको नाम सर्वसम्मत नाम सिफारिस गरेको हो ।

प्रतिनिधि सभाको समानुपातिकतर्फ खस आर्यबाट पूर्वशिक्षा राज्यमन्त्री हस्तबहादुर मल्ल, महिलाबाट धनसिला मल्ल र खुल्लाबाट मीन भामलाई सिफारिस गरिएको पार्टी सचिव लोकेन्द्र बहादुर मल्लले बताए ।

प्रदेश सभा क अन्तर्गत प्रत्यक्षतर्फ ३ जनाको नाम सिफारिस गरिएको छ । जसमा खगेन्द्र बहादुर मल्ल, हरिजंग शाही र तिलक बहादुर मल्ल रहेका छन्।

प्रदेश समानुपातिकमा सूर्यदेवी मल्ल र पिछडिएको क्षेत्रबाट खस आर्य पदम रावल, महिलामा लक्ष्मी रावत, भीम तिरुवा दलित, च्यावा लामा जनजाति, फुन्जोक लामा जनजाति, रमाईलि रावल ख्ला र खुम्मेनी विक दलित महिलाको नाम सिफारिस गरिएको सचिव मल्लले जानकारी दिए ।

प्रदेशसभा ख अन्तर्गत प्रत्यक्षतर्फ खड्कबहादुर शाही, रतनबहादुर शाही र लेक विक्रम शाहको नाम सिफारिस गरिएको छ । समानुपातिकतर्फ जन्मजय भण्डारी (खस आर्य पिछडिएको क्षेत्र), महेश गिरी (अपाङ्गता), रुपकर्ण शाही महिला, गोमा गिरी (महिला), लोकबहादुर शाही (खस आर्य) सिफारिस गरेको नेपाली कांग्रेस मुगुले जनाएको छ ।

प्रदेश क अन्तर्गत छायानाथ रारा नगरपालिका र मुगुम कार्मारोङ्ग गाउँपालिका पर्छन् भने प्रदेश ख, अन्तर्गत खत्याड गाउँपालिका र सोरु गाउँपालिका रहेका छन् ।