आज २०७९ साल साउन १८ गते बुधबार । सन् २०२२ को अगस्ट ३ तारिख । आजको दिन इतिहासमा भएका विभिन्न घटनाक्रम मध्ये केही घटनाक्रम यस्ता छन् ।

सन् २००५ अगस्ट ३ मा महमूह अहमलिनेजादले इरानमा पदभार ग्रहण गरे । पेशाले इन्जिनियर र शिक्षक अहमलिनेजाद इरानको इस्लामिक गणतन्त्रको छैटौँ राष्ट्रपति बने ।

सन् २००५ अगस्ट ३ मा मौरिटानियामा सैन्य कु भएको थियो । लामो समय देखि राष्ट्रपति रहेका माउया आउल्ड सीडअहमद तायालाई पदच्युत गर्दै कर्नल एली आउल्ड मोहम्मद भालले चुनाव हुनुअगाडि संक्रमणकालीन सरकारको नेतृत्व गरे ।

सन् २००४ अगस्ट ३ मा फ्रेन्च फोटोग्राफर हेन्री काटियर–ब्रेस्सनको ९५ वर्षको उमेरमा निधन भयो । उनलाई ‘मास्टर अफ स्ट्रिट फोटोग्राफी’ को उपनाम दिइएको थियो ।

सन् १९७० अगस्ट ३ मा अमेरिकी सेनेटले सोभियत संघसँगको एन्टी ब्यालिस्टिक सन्धीलाई अनुमोदन गरेको थियो ।

सन् १९६० अगस्ट ३ मा नाइजरले फ्रान्सबाट स्वतन्त्रता प्राप्त गर्‍यो । २० औँ शताब्दीको सुरुवातमा फ्रान्सले अफ्रिकाको पश्चिमी देश नाइजरलाई अतिक्रमण गरेको थियो । नाइजर स्वतन्त्र भएसँगै हमानी डिओरी पहिलो राष्ट्रपति बने ।

सन् १९४९ अगस्ट ३ मा नेशनल बास्केटबल लिग र बास्केटबल एशोसिएशन अफ अमेरिका मिलेर नेशनल बास्केटबल एशोसिएशन एनबीए बनेको थियो ।

सन् १९४६ अगस्ट ३ मा संयुक्त राज्य अमेरिकाको इन्डियानास्थित सान्टा क्लाउजमा विश्वको पहिलो थिम पार्कको उद्घाटन भयो । सान्टा क्याउज ल्याण्डलाई ‘होलिडे वल्र्ड एण्ड स्पलाशिन सफारी’ भनेर पनि चिनिन्छ ।

सन् १९१४ अगस्ट ३ मा जर्मनीले बेल्जियममाथि अतिक्रमण गर्दै फ्रान्समा युद्ध घोषणा गर्‍यो। पहिलो विश्व युद्धअन्तर्गतको लडाई थियो । अगस्ट १ मा जर्मनीले रुसमाथि युद्ध घोषणा गरेको थियो ।

सन् १९०० अगस्ट ३ मा अमेरिकी टायर कम्पनी ‘फायरस्टोन टायर एण्ड रबर कम्पनी’ को स्थापना भएको थियो । ओहियोको एक्रोनमा हार्भे स्यामियल फायरस्टोनले टायर कम्पनी स्थापना गरे । सन् १९८८ मा जापानी ब्रिजस्टोन कोर्पोरेशनले सो टायर कम्पनीलाई किनेको थियो ।

सन् १४९२ अगस्ट ३ मा इटाली अन्वेषक क्रिस्टोफर कोलम्बसले ३ पानी जहाजको नेतृत्व गर्दै चीन, भारत र एसीयाली टापुतर्फको यात्रामा सुरु गरे ।