काठमाडौं– पञ्जाबी गायक तथा भारतीय कांग्रेस पार्टीका नेता सिद्धु मुसे वालाका हत्यारा नेपालमा लुकेर बसेको हुनसक्ने भन्दै भारतीय प्रहरीको विशेष टोली नेपाल आइपुगेको छ ।

मुसे वालाका हत्यारा नेपालमा लुकेर बसेको विशेष सूचनाका आधारमा दिल्ली प्रहरीको विशेष सेल नेपाल पुगेको इण्डिया टुडेले जनाएको छ । मुसे वालाको गत आइतबार पञ्जाब राज्यको मान्सा जिल्लामा गोली हानी हत्या भएको थियो ।

पञ्जाब प्रहरीले मंगलबार उनको हत्यामा संलग्न रहेको आरोपमा दुई जना पक्राउ परेका थिए । हत्यारालाई सवारी साधन उपलब्ध गराएको आरोपमा पक्राउ परेका मनप्रित सिंहलाई अदालतमा उपस्थित गराइ ५ थुनामा राख्न दिनको म्याद थपिएको जनाइएको छ ।

विशेष सूचनाका आधारमा उनका हत्यारा नेपालमा रहेको पत्ता लागेको बताइएको छ । मुसे वालाको हत्या आपराधिक गिरोहबीचको दुश्मनीका कारण भएको ठानिएको छ ।