काठमाडौँ– गायक तथा संगीतकार बिनोद ढकाल र गायिका अस्मिता अधिकारीको स्वरमा रहेको नयाँ गीत भिडियो सार्वजनिक गरिएको छ।

 ‘सुन सानो कथा’ बोलको सार्वजनिक गीतमा शब्द तथा संगीत बिनोद ढकालको रहेको छ। भिडियोमा अभिनेता आर्यन सिग्देल, मोडल रोजी पन्तको अभिनय रहेको छ । जनकदीप पराजुलीको निर्देशनमा तयार उक्त भिडियोमा मायाप्रेममा हुने बिछोडको कथालाई देखाइएको छ। 

भिडियो सार्वजनिक कार्यक्रममा बोल्दै अभिनेता आर्यनले सुन सानो कथामा आफ्नो कथा व्यक्त गरिएको बताए । सबैको मनमा रहेको पीडा र व्यथालाई काल्पनिक रुपमा प्रस्तुत गरिएको आर्यनको बुझाइ छ ।

कार्यक्रममा बोल्दै निर्देशक पराजुलीले यस भिडियोको अर्को भाग पनि बन्ने बताए। सागर प्रधानले छायांकन गरेको भिडियोको सम्पादन भरत रेग्मीले गरेका छन् ।