काठमाडौँ– साफ यू–२० च्याम्पियनसिप अन्तर्गत समूह चरणको अन्तिम खेलमा माल्दिभ्सलाई १–० गोल अन्तरले पराजित गर्दै भारत फाइनलमा प्रवेश गरेको छ ।
भारतले खेल अवधि भर माल्दिभ्सविरुद्ध एकपक्षीय आक्रमण गरेपनि गोल गर्न सकेको थिएन । फरवार्ड गुर्किरत सिंहले ९० औं मिनेटमा गोल गर्दै जित दिलाए । उनले पेनाल्टी क्षेत्र भित्र डिफेन्सले क्लियर गर्न नसकेको बललाई शक्तिशाली प्रहार गरेका थिए ।
भारतको भुवनेश्वरस्थित कालिंगा रंगशालामा भएको लिगको अन्तिम खेल भारतले जितेसँगै फाइन पुग्ने नेपालको सपना समाप्त भएको छ ।
नेपाल फाइनलमा पुग्न भारतले माल्दिभ्ससँग हार्नै पर्ने थियो । फाइनलमा भारतले बङ्गलादेशसँग खेल्नेछ ।
प्रतिक्रिया