काठमाडौँ– मोडलिङमै रहेर अभिनय खोजिरहेकी छिन्, दीपाशा बिसी ।

सुर्खेतमा जन्मिएकी दीपाशा टिभी फिल्मीको रियालिटी शो ‘को बन्छ कलाकार’ मार्फत अभिनयको दुनियामा पाइला टेकेकी हुन् ।

त्यहाँ नोटिश भएपछि उनले शोभित बस्नेत निर्देशित फिल्म ‘दुलही रानी’ मार्फत अभिनयमा डेब्यु गरिन् ।

त्यसयता उनले झेली, ओएमजी, गहिराइ , विरानो माया, छाललगायतका फिल्महरूमा काम गरिसकेकी छिन् ।

फिल्मसँगै मोडलिङमा समेत उनी सक्रिय छिन् । बेलाबखतमा फेशन शोमा देखिने दीपाशाले पाँच सय बढी म्युजिक भिडियोमा काम गरिसकेकी छन् ।

सञ्जीवनीको स्वर रहेको ‘तिमी थोरै’ बोलको गीतबाट म्युजिक भिडियोमा डेब्यू गरेकी दीपाशाले लोकदोहोरी र तीज गीतमा ज्यादा अभिनय गरेकी छन् ।

सँगै स्टेज शो, विज्ञापनलगायतमा पनि उनको सक्रियता बढ्दो नै छ ।

यिनै दीपशाले खबर हबकर्मी फोटो पत्रकार कुवेर डंगोलसँग फोटो शुट गरेकी छिन् ।

शुट गरिएका फोटोहरूमा उनलाई विभिन्न लुक्स / गेटअपमा देख्न सकिन्छ ।

उनी साडीदेखि क्याजुअल मोडर्न ड्रेसमा समेत देखिएकी छिन् ।

उनलाई छिट्टै दर्शकले ‘रमिता’ फिल्ममा देख्न पाउनेछन् ।