काठमाडौँ– नेकपा एमालेका नेता तथा विदेश विभाग प्रमुख डा. राजन भट्टराईले एमसीसीका कारण नेपालको अन्तर्राष्ट्रिय सम्बन्धमा भएको क्षति नियन्त्रण गर्न लामो समय लाग्ने बताएका छन् ।

काठमाडौँमा बुधबार भएको कार्यक्रममा नेता डा. भट्टराईले एमसीसीको विषयमा केही दलका नेताहरूबाट अपरिपक्व क्षमता देखाउने काम भएकाले अन्तर्राष्ट्रिय सम्बन्धमा भएको क्षति नियन्त्रण गर्न लामो समय लाग्ने बताएका हुन् ।

उनले यो सम्झौतालाई विवादित बनाउने काम भएकाले भोलि कुनै देशले हामीसँग सम्झौता गर्दा उनीहरू सोच्ने अवस्थामा पुग्न सक्ने बताए ।

समग्रमा यसले अन्तर्राष्ट्रिय सम्बन्धलाई दीर्घकालीन रूपमा अगाडि बढाउन ड्यामेज गरेको बताए ।

एससीसीलाई लिएर धेरै गिजोलिने काम गर्नेहरूले यसको जिम्मा लिनुपर्ने पनि उनले बताए ।

नेता भट्टराईले यति ढिलो एमसीसी पारित गर्दा लागत बढ्ने आशंका पनि गरे । उनले अबको चुनौति कार्यान्वयन पक्ष रहेको पनि बताए ।

डा. भट्टराईले रसियाले युक्रेनमाथि गरेको आक्रमण अनुचित रहेको पनि टिप्पणी पनि गरे ।

उनले युक्रेनमा फसेका नेपालीको उद्धारमा तत्परता नदेखाएको आरोपसमेत लगाए ।