यतिबेला जाडो मौसम जारी छ । चिसोमा तातो सुप खानुको मज्जै बेग्लै हुन्छ । यस्तोमा टोमेटो नूडल सूप खाए यो मिठो हुनुका साथै जाडो भगाउन पनि काइदाको हुन्छ ।

कसरी बनाउने टमाटर र नूडलको हट सूप ?

आवश्यक सामग्री :
तेल – दुई ठूलो चम्चा
प्याज – ३ वटा (ठिक्क आकारको)
गोलभेंडा – आधा केजी
नून – स्वाद अनुसार
मरिच – एक सानो चम्चा
उमालेको नूडल – २ प्याकेट

तयार पार्ने विधि :

सुरुमा प्यानमा तेल तताएर प्याजलाई सुनौलो रंग नआउन्जेल भुट्नुहोस् । त्यसपछि स–साना टुक्रामा काटेको गोलभेंडा र पानी राखेर नरम हुन्जेल सानो आँचमा पकाउनुस् । अब यसमा नुन हालेर यसलाई पातलो झोल बनाउनुहोस् । अब आगोबाट निकालेर सेलाउन छाड्नुस् ।

त्यसपछि ब्लेन्डरमा गोलभेंडा राखेर फिट्नुस् । फिटेको मिश्रणलाई सानो आगोमा फेरी पकाउनुस् । पकाउने क्रममा मरिच र उमालेको नूडल राखेर चार-पाँच मिनेट चलाउदै पकाउनुहोस् । अब तपाईको टोमेटो हट लूडल सूप तयार भयो । यसलाई तात्तातै खानुहोस् । यो स्वादिलो हुनुका साथै चिसो भगाउन पनि काइदाको हुन्छ ।