काठमाडौँ- तालिबानले एउटा जोडीलाई कोर्रा हान्ने सजाय दिएको छ । मध्य अफगानिस्तानको बामियान प्रान्तमा तालिबानद्वारा सञ्चालित अदालतले युवा जोडीलाई सार्वजनिक स्थलमा ३९ पटक कोर्रा हान्ने सजाय सुनाएको हो ।
घुमघामका लागि बामियान पुगेका आरेजू र मोहम्मद एसाको जोडीले विवाहइतरको सम्बन्ध राखेको अभियोगमा त्यस्तो सजाय सुनाइएको अफगानिस्तानको खामाप्रेसले जनाएको छ ।
उनीहरुलाई कोर्रा हानेको हेर्न हजारौँ मानिसहरुको भीड लागेको बताइएको छ । तालिबानले यसअघि पनि अफगानिस्ताका विभिन्न स्थानहरुमा यस्तो सजाय दिँदै आएको थियो ।
प्रतिक्रिया