मुगु– हिमाली जिल्ला मुगुमा आइतबार मात्र खाद्यान्न वितरण गरिने भएको छ । जिल्ला सदरमुकाम गमगढी बजारमा चामल मौज्दात नहुनु र ठेकेदारले ढुवानी नगर्नाले र खाद्य व्यवस्था तथा व्यापार कम्पनी लिमिटेडमा चामल मौज्दात नहुनाले अब मुगुमा हप्ताको एक दिन आइतबार मात्र खाद्यान्न लिन पाइने भएको हो ।

मुगुमा हिजो आइतबारबाट यस्तो व्यवस्था लागू गरिएको हो । हिजो मात्र एक सय भन्दा बढी क्वीन्टल चामल बिक्री वितरण भएको कार्यालयले जनाएको छ ।

नयाँ चामल ढुवानीको लागि ठेक्का प्रक्रिया सुरु भइ भोलि अन्तिम समय रहेको कार्यालयले जनाएको छ । कार्यालय प्रमुखका अनुसार दुर्गम हिमाली जिल्लाहरुमा खाद्यान्नको नीति अनुसार विपद्, आगलागी जस्ता घटनाहरु घटेमा आपतकालीन र तत्काल राहत उपलब्ध गराउनु पर्ने नीति अनुसार ८ सय ५० क्विन्टल चामल मौज्दातमा राखिएको छ। गरिब, विपन्नहरको समस्यालाई मध्येनजर गर्दे खाद्य व्वयवस्था तथा ब्यापार कम्पनीले हप्ताको एक दिन मात्र खाद्यान्न वितरण गर्न लागेको उनले बताए ।

खाद्यान्नमा चामल मौज्दात कम हुनु र एकबार मात्र खाद्यान्न खुलाइनुले मुगाली जनताहरु बजारको महँगो शुल्क तिरेर उपभोग गरेको जनाइएको छ । शाखा कार्यालयमा चामल पनि पर्याप्त नहुँदा स्थानीयले बजारबाट महँगोमा खरिद गर्न बाध्य छन् ।

ुबजारमा आएको चामल प्रति प्याक १५ सयदेखि २ हजारसम्म बिक्री हुन्छ, किनेर खान सकिँदैनु सोमवार चामल चामल लिन आएका छायानाथ रारा नगरपालिका वडा नं १३ रुगाका एकल महिला सुकुमा लावडले बताइन् ।

उनले भनिन् ुआइतबार मात्र खाद्यान्नको कार्यालय खुल्छ भनेर थाहा नै थिएन, घरमा बिहान बेलुका खाने छैन, बजारमा किनेर खाउ भने धेरै पैसा तिर्नुपर्छ,ु लावडले भनिन् । सोमबार पुगेका कारण उनी चामल नलिइ रित्तै फर्किएकी थिइन् ।