काठमाडौँ- गृहमन्त्री बालकृष्ण खाँणले नेपाल प्रहरीका महानिरीक्षक शैलेश थापा र सशस्त्र प्रहरी बलका महानिरीक्षक पुष्पराम केसीलाई बिदाई गरेका छन्।

आइतबार गृह मन्त्रालयमा आयोजित कार्यक्रमकाबीच गृह मन्त्री खाँणले थापा र केसीलाई बिदाई गरेका हुन् । कार्यक्रममा खाँणले दुई महानिरीक्षकको कार्यकाल सफल रहेको बताए।

त्यस्तै गृहमन्त्री खाँणले नेपाल प्रहरी र सशस्त्र प्रहरी बलमा कायम ३० वर्षे सेवा अवधिबारे छलफल थालिएको बताएका छन् ।

नेपाल प्रहरीका महानिरीक्षक शैलेश थापा क्षेत्री र सशस्त्र प्रहरी बलका महानिरीक्षक पुष्पराम केसीलाई कार्यक्रममा उनले ३० वर्षे सेवा अवधिबारे छलफल थालिएको बताएका हुन् ।

गृहमन्त्री खाँणले प्रहरीका महानिरीक्षक थापा आफ्ना कारणले कहिल्यै पनि विवादमा नआएको र थापाले शतप्रतिशत नम्बर प्राप्त गरेको उल्लेख गरे। उनले सुरक्षा निकायको सुधारका लागि आगामी दिनमा आवश्यक सुझावको अपेक्षा गरेको धारणा राखे।

कार्यक्रममा थापा र केसीले आफ्नो कार्यकालमा भएका महत्वपूर्ण कामका बारेमा जानकारी गराएका थिए।