भारत– प्रधानमन्त्री शेरबहादुर देउवालाई भारतीय रक्षा तथा पर्यटन राज्यमन्त्री अजय भट्टले स्वागत गरेका छन् ।

तीनदिने भारत भ्रमणका गएका प्रधानमन्त्री देउवालाई शुक्रबार दिउँसो नयाँ दिल्लीस्थित इन्दिरा गान्धी अन्तर्राष्ट्रिय विमानस्थलमा राज्यमन्त्री भट्टले स्वागत गरेका हुन् ।

प्रधानमन्त्री देउवासँग आज भारतीय विदेशमन्त्री डा. एस जयशंकरले भेट गर्नेछन् ।

उनीहरूबीचको भेट होटल आईटीसी मौर्यमा हुनेछ ।

शनिवार बिहान १०: ४० मा प्रधानमन्त्री देउवाले राजघाट पुगेर महात्मा गान्धीको समाधिस्थलमा माल्यार्पण गर्ने कार्यक्रम छ ।

देउवा ११: १० बजे हैदरावाद हाउस पुग्ने छन् ।

प्रधानमन्त्रीद्वयको द्विपक्षीय भेटवार्ता दिउँसो १२:१५ बजे हैदरावाद हाउसमा हुनेछ ।

भेटवार्तापछि जयनगर–कुर्था रेलको शुभारम्भ गरिनेछ ।

द्विपक्षीय सम्झौताको आदानप्रदान र प्रधानमन्त्रीहरूले संयुक्तरूपमा प्रेस वक्तव्य जारी गर्ने कार्यक्रम पनि तय भएको छ ।

शनिवार दिउँसो ४ : ३० बजे भारतका उपराष्ट्रपति वेन्कैया नायडूसँग देउवाको भेटवार्ता हुनेछ ।

आइतवार बिहान ९ बजे बनारसमा हुने कार्यक्रममा सहभागी हुन त्यसतर्फ प्रस्थान गर्ने कार्यक्रम तय भएको छ ।

प्रधानमन्त्री देउवा दिउँसो ४ बजे दिल्ली फर्किने र सवा ४ बजे स्वदेश फर्किने तालिका सार्वजनिक भएको छ ।

https://www.facebook.com/khabarhubofficial/videos/5232495456806337