सर्लाही– सर्लाही जिल्ला प्रशासन कार्यालयले कानुनअनुसार अनुमति नलिई सञ्चालनमा रहेका व्यवसायका सञ्चालकहरूलाई कारबाही गर्ने चेतावनी दिएको छ ।
प्रमुख जिल्ला अधिकारी थानेश्वर गौतमले मंगलबार सूचना जारी गर्दै कानुनी प्रक्रियाका साथै आवश्यक मापदण्ड पूरा नै नगरी सञ्चालनमा रहेका हरेक किसिमका व्यवसायका सञ्चालकलाई कारबाही गर्ने जनाएका हुन् ।
बिनाअनुमति सञ्चालित विभिन्न व्यवसाय तथा उद्योग, अस्पताल, फार्मेसी, शैक्षिक संस्था, कोचिङ सेन्टरलगायतलाई छिट्टै कानुनबमोजिम स्वीकृति लिन आग्रह गरिएको छ ।
बजार अनुगमनका क्रममा बिनाअनुमति सञ्चालनमा रहेको पाइए कारबाही हुने प्रमुख जिल्ला अधिकारी गौतमले स्पष्ट पारेका छन् ।
प्रतिक्रिया