काठमाडौँ– देशभर चिसो बढेको छ । चिसोबाट जोगिन ‘हिटर,कोइला बाली कोठा तातो बनाउने’ कार्यले ज्यान नै जान थालेपछि प्रहरीले त्यसबाट बच्ने उपाए अपनाउन अपिल गरेको छ।

महानगरीय प्रहरी परिसरले विभिन्न सात वटा सावधानी अपनाए जनधनको क्षति रोकिन सक्ने भन्दै आम सर्वसाधारणलाई सावधानी अपनाउन अपिल गरेको हो।

यस्ता छन् जोगिने उपाय
– आफू बाहिर निस्किँदा कहिले पनि बन्द कोठामा हिटर अन गर्ने।
– ढोका/झ्यालका चरहरूमा बोरा, कपडा राखी हिटर लगायतका विद्युतीय उपकरणहरु नबाल्ने।
– चुलो, मकल, फलामको चुलो, कराईमा दाउरा/कोइला बाली रातभर कोठाभित्र नराख्ने।
– झ्याल/ढोका बन्द गरी ग्यास गिजरको प्रयोग नगर्ने।
– विद्युतीय उपकरणहरूका स्वीच, मल्टिप्लगहरूलाई काम सकिएपछि बन्द गर्ने।
– ग्यासको सिलिण्डरलाई कोठाभन्दा बाहिर राखी काम सकिएपछि बन्द गर्ने।
– चुलो, मकल, फलामको चुलो, हिटर नजिक छिटो जल्ने खालका कुनै पनि सामग्री नराख्ने। कागज, ब्ल्याङ्केट, कपडा, दाउरालगायत सामग्री हिटरभन्दा टाढा राख्ने।