काठमाडौँ – नेपाली राष्ट्रिय क्रिकेट टोलीका प्रशिक्षक पुबुदु दसानायकेले नेपाल विश्वकपमा पुग्दा धेरै अवसर प्राप्त हुने बताएका छन्।

कप्तान सन्दीप लामिछानेले नेपालको लक्ष्य आईसीसी टी-२० विश्वकप छनोट र नेपाललाई एसोसिएट देशको शीर्ष टोली बनाउनु रहेको बताएपछि प्रशिक्षक दसानायकेले यस्तो बताएका हुन्।

सोमबार साँझ जुममार्फत् पत्रकारसँग कुराकानी गर्दै प्रशिक्षक पुबुदुले नेपालको अहिलेको अहिलेको अवस्था आईसीसी टी-२० विश्वकपमा छनोट हुनु रहेको बताए।

‘विश्वकपमा पुगे नेपाली क्रिकेटका लागि ठूलो अवसर प्राप्त हुनेछ’, प्रशिक्षक दसानायकेले भने, ‘विश्वकपमा पुग्यौँ भने यसले नेपाली क्रिकेटलाई थप उचाईमा लैजाने सहयोग गर्छ।’

छनोट हुन सके प्रतियोगिता र सहभागिता बढ्ने भन्दै उनले अहिलेको टोलीले विश्वकपमा राम्रो गर्न सक्ने बताए।

उले ओमानमा हुन लागेको आसन्न आईसीसी टी–२० विश्वकप ग्लोबल छनोट खेलको तयारी योजना अनुरुपनै राम्रो भइरहेको प्रष्ट पारे।

‘छोटो समयमा पनि हामीले राम्रो मिहेनत गरेका र्छौँ। ६० प्रतिशत तयारी सकियो’, उनले भने, ‘अबको अन्तिम तयारी ओमानमै हुनेछ।’

अहिलेसम्मको तयारीले टोलीका सबै सदस्यमा आत्मविश्वास जागेको उनको भनाइ छ। कोरोना भएका खेलाडी पनि केही दिनमै प्रशिक्षणमा सामेल हुने उनले प्रष्ट पारे।