काठमाडौँ – विभिन्न क्षेत्रमा सफलता हात पारेका सफल व्यक्तित्वहरुलाई अनुज मिडियाले ‘सक्सेस अचिभर्स अवार्ड २०२१’ ले सम्मान गरेको छ ।

नाडाका अध्यक्ष ध्रुव थापा, हास्य कलाकार मनोज गजुरेल,  शिक्षाविद् डा. राजेन्द्र केसी, गायक तथा  समाजसेवी निर्णय श्रेष्ठ , चितवन मेडिकल कलेजका म्यानेजिङ डाइरेक्टर डाक्टर हरिश चन्द्र नेउपाने, मेमोरी ट्रेनर नबल पजियार र क्याप्टेन बेद उप्रेती सम्मानित भएका हुन् ।

त्यसैगरी बैंकर अनिल केशरी शाह, समाजसेवी जया राज्यलक्ष्मी शाह, शिक्षासेवी उत्तम सञ्जेल, युवा व्यवसायी विकास पाण्डे, महिला उद्यमी विदुषी राणा, वरिष्ठ पत्रकार ऋषि धमला, व्यवसायी तथा समाज सेवी रामशरण बस्नेत पनि सम्मानित भएका छन् ।

कार्यक्रममा पूर्व प्रधानमन्त्री माधवकुमार नेपालले अनुभव र सिकाइबाट नै सफलता मिल्ने बताएका छन्। अनुजा मिडियाकी अध्यक्ष अनुजा आचार्यले सफल व्यक्तित्वहरुबाट सबैले पाठ सिक्नुपर्ने धारणा राखेकी छन् ।