एक व्यक्तिले आफ्नी पूर्व पत्नीको महिला वकिललाई सेक्स टोय पार्सल पठाए ।

यो कर्मका लागि उनलाई अदालतले सम्बन्ध सुधार्ने कोर्स पूरा गर्न ३० दिनको सजाय दियो ।

बेलायतको लन्डनमा आइलवर्थ निवासी ३९ वर्षीय तेजिन्दर सिंह बैंसले आफ्नो पत्नीको वकिललाई जरिवाना समेत तिर्नुपर्ने भएको छ ।

तेजिन्दर सिंहले अदालतमा आफ्नो पत्नीको वकिल जारा अख्तरलाई दुर्भावनापूर्ण इमेल पठाएको स्वीकार गरे । त्यसपछि अदालतले उनलाई मुआब्जाका रूपमा वकिललाई ४ हजार ५ सय पाउन्ड जरिवाना तिर्न आदेश दिएको छ ।

जाराका अनुसार सन् २०१९ को अप्रिलमा तेजिन्दरले आफ्नी पत्नीलाई डिर्भोस दिएका थिए । यस पछि एक फैमिली कोर्टले तेन्जिन्दर पत्नीलाई ८० हजार पाउन्ड गुजारा भत्ता दिन आदेश दिएको थियो । त्यसपछि ती व्यक्तिले पत्नीको महिला वकिललाई तीन दिनमा १८ इमेल पठाएका थिए ।

इमेलमा तेजिन्दरले ती वकिललाई उमेर भन्दा कम देखिएको लेखेका थिए । साथै झुट बोल्नमा ती वकिल आफ्नी पत्नी जस्तै रहेको लेखेका थिए । यस अलावा तेजिन्दरले ती महिला वकिललाई सेक्स टोय पार्सल पठाएका थिए ।